ﺍﻧﮑﻞ !!!!
ﻭﮦ ﮐﻮﻧﮯ ﭘﺮ ﺭﮐﮭﯽ ﮔﻼﺑﯽ ﮔﮍﯾﺎ ﭼﺎﮨﺌﮯ ﻣﺠﮭﮯ، ﺳﻮ ﺭﻭﭘﮯ ﮐﯽ ﮨﮯ ﻧﺎﮞ؟
ﯾﮧ ﺍﻟﻔﺎﻅ ﺳﻦ ﮐﺮ ﻣﯿﮟ ﻧﮯ ﭘﯿﭽﮭﮯ ﻣﮍ ﮐﺮ ﺍﺳﮯ ﺩﯾﮑﮭﺎ، ﺍﯾﮏ ﻣﻌﺼﻮﻡ ﺳﺎ ﺑﭽﮧ ﻣﭩﮭﯽ ﻣﯿﮟ ﮐﭽﮫ ﺩﺑﺎﺋﮯ ﻣﯿﺮﮮ ﺩﺍﺋﯿﮟ ﻃﺮﻑ ﮐﮭﮍﺍ ﺗﮭﺎ۔ ﻟﮓ ﺑﮭﮓ ﺳﺎﺕ ﺳﺎﻝ ﻋﻤﺮ ﮨﻮ ﮔﯽ، ﭘﺮﺍﻧﮯ ﺳﮯ ﻗﻤﯿﺾ ﺷﻠﻮﺍﺭ ﻣﯿﮟ ﻣﻠﺒﻮﺱ ﺟﻦ ﭘﺮ ﮔﺮﯾﺲ ﺍﻭﺭ ﺗﯿﻞ ﮐﮯ ﺩﮬﺒﮯ ﺑﮍﮮ ﻭﺍﺿﺢ ﻧﻈﺮ ﺁ ﺭﮨﮯ ﺗﮭﮯ۔ ﭼﮩﺮﮮ ﭘﺮ ﺑﻼ ﮐﯽ ﻣﻌﺼﻮﻣﯿﺖ ﺍﻭﺭ ﺁﻧﮑﮭﻮﮞ ﺳﮯ ﺫﮨﺎﻧﺖ ﻋﯿﺎﮞ ﺗﮭﯽ۔
” ﺩﯾﮑھ ﻧﮩﯿﮟ ﺭﮨﺎ ﺗﻮ، ﮔﺎﮨﮏ ﮐﮭﮍﮮ ﮨﯿﮟ ﺍﻭﺭ ﯾﮧ ﮔﮍﯾﺎ ﺍﺏ ﻣﮩﻨﮕﯽ ﮨﻮ ﮔﺌﯽ ﮨﮯ۔ ﮨﯿﮟ ﮈﯾﮍﮪ ﺳﻮ ﺭﻭﭘﮯ ﺗﻮ ﻧﮑﺎﻝ، ﻭﺭﻧﮧ ﭼﻞ ﺩﻓﻊ ﮨﻮ ﺟﺎ ﯾﮩﺎﮞ ﺳﮯ. ﺻﺒﺢ ﺻﺒﺢ ﻧﺤﻮﺳﺖ ﭘﮭﯿﻼ ﺭﮨﺎ ﮨﮯ ﺩﮐﺎﻥ ﻣﯿﮟ۔ “
ﺳﯿﻠﺰ ﻣﯿﻦ ﻧﮯ ﭨﯿﮍﮬﺎ ﺳﺎ ﻣﻨﮧ ﺑﻨﺎ ﮐﺮ ﺟﻮﺍﺏ ﮐﯿﺎ ﺩﯾﺎ.
ﺑﭽﮯ ﮐﺎ ﭼﮩﺮﮦ ﮨﯽ ﻣﺮﺟﮭﺎ ﮔﯿﺎ۔ ﺍﯾﺴﺎ ﻟﮕﺎ ﺟﯿﺴﮯ ﺍﺳﮯ ﺷﺎﮎ ﻟﮓ ﮔﯿﺎ ﮨﻮ ۔ ﻭﮦ ﺑﻮﺟﮭﻞ ﻗﺪﻣﻮﮞ ﺳﮯ ﭘﯿﭽﮭﮯ ﮐﯽ ﻃﺮﻑ ﺳﺮﮐﻨﮯ ﻟﮕﺎ ۔
” ﺟﯽ ﺑﮭﺎﺋﯽ ﺻﺎﺣﺐ ﺍﻭﺭ ﮐﯿﺎ ﺩﮮ ﺩﻭﮞ ﺑﮯ ﺑﯽ ﮐﯽ ﺳﺎﻟﮕﺮﮦ ﮐﮯ ﻟﺌﮯ ؟ ﯾﮧ ﺑﺎﺭﺑﯽ ﮈﻭﻝ ﺫﺭﺍ
ﺩﯾﮑﮭﺌﮯ۔ ﺻﺮﻑ ﺩﻭ ﮨﺰﺍﺭ ﮐﯽ ﮨﮯ ﺍﻭﺭ ﺍﺱ ﺳﮯ ﺍﭼﮭﯽ ﭘﻮﺭﯼ ﻣﺎﺭﮐﯿﭧ ﻣﯿﮟ ﻧﮩﯿﮟ ﻣﻠﮯ ﮔﯽ۔ “
ﺳﯿﻠﺰ ﻣﯿﻦ ﻣﺠھ ﺳﮯ ﻣﺨﺎﻃﺐ ﺗﮭﺎ ، ﻟﯿﮑﻦ ﻣﯿﺮﯼ ﻧﻈﺮﯾﮟ ﺍﺱ ﺑﭽﮯ ﭘﺮ ﺟﯿﺴﮯ ﭨﮏ ﺳﯽ ﮔﺌﯽ ﺗﮭﯿﮟ۔ ﺍﺱ ﮐﮯ ﺭﺧﺴﺎﺭﻭﮞ ﭘﺮ ﺧﺎﻣﻮﺷﯽ ﺳﮯ ﺑﮩﺘﯽ ﺩﻭ ﺁﻧﺴﻮﺅﮞ ﮐﯽ ﻟﮑﯿﺮﻭﮞ ﻧﮯ ﻣﺠﮭﮯﺟﮑﮍ ﻟﯿﺎ ﺗﮭﺎ۔
” ﺍﭼﮭﺎ ﭼﻠﻮ ﯾﮧ ﺑﺎﺭﺑﯽ ﮈﻭﻝ ﺑﮭﯽ ﭘﯿﮏ ﮐﺮ ﺩﻭ ﺍﻭﺭ ﺑﻞ ﺑﻨﺎ ﺩﻭ .”
ﻣﯿﮟ ﺳﯿﻠﺰ ﻣﯿﻦ ﮐﻮ ﮐﮩﺘﺎ ﮨﻮﺍ ﻣﮍﺍ ﺍﻭﺭ ﮐﻮﻧﮯ ﻣﯿﮟ ﮐﮭﮍﮮ ﺑﭽﮯ ﮐﯽ ﻃﺮﻑ ﺑﮍﮪ ﮔﯿﺎ۔
“ﮐﯿﺎ ﻧﺎﻡ ﮨﮯ ﺗﻤﮩﺎﺭﺍ ﺑﯿﭩﺎ؟”
” .. ﯾﺎﺳﯿﻦ … ﻣﺤﻠﮯ ﻭﺍﻟﮯ ﺳَﻨﯽ ﮐﮩﮧ ﮐﺮ ﺑﻼﺗﮯ ﮨﯿﮟ۔”
” ﺗﻢ ﺭﻭ ﮐﯿﻮﮞ ﺭﮨﮯ ﮨﻮ؟ ﮔﮍﯾﺎ ﺳﮯ ﺗﻮ ﻟﮍﮐﯿﺎﮞ ﮐﮭﯿﻠﺘﯽ ﮨﯿﮟ۔ ﭼﻠﻮ ﻣﯿﮟ ﺗﻤﮩﯿﮟ ﺑﯿﭧ ﺑﺎﻝ ﺩﻻ ﺩﯾﺘﺎ ﮨﻮﮞ. ﺷﺎﺑﺎﺵ ﺍﺏ ﯾﮧ ﺁﻧﺴﻮ ﭘﻮﻧﭽھ ﻟﻮ۔”
ﻣﯿﺮﺍ ﯾﮧ ﺟﻤﻠﮧ ﺳﻦ ﮐﺮ ﺍﺱ ﻧﮯ ﻟﻤﺤﮧ ﺑﮭﺮ ﮐﻮ ﺳﺮ ﺍﭨﮭﺎﯾﺎ ﺍﻭﺭ ﭘﮭﺮ ﻓﺮﺵ ﭘﺮ ﻧﻈﺮﯾﮟ ﺟﻤﺎﺋﮯ ﻣﺠھ ﺳﮯ ﮐﮩﻨﮯ ﻟﮕﺎ ” ﯾﮧ ﮔﮍﯾﺎ ﻣﯿﺮﯼ ﭼﮭﻮﭨﯽ ﺑﮩﻦ ﮐﻮ ﺑﮩﺖ ﭘﺴﻨﺪ ﺗﮭﯽ . ﺍﺳﯽ ﮐﮯ ﻟﺌﮯ ﻟﯿﻨﮯ ﺁﯾﺎ ﮨﻮﮞ۔ ﺟﺐ ﮨﻢ ﯾﮩﺎﮞ ﺳﮯ ﮔﺰﺭﺗﮯ ﺗﮭﮯ ﺗﻮ ﻭﮦ ﻣﺠھ ﺳﮯ ﮐﮩﺘﯽ ﺗﮭﯽ . ﺑﮭﯿﺎ ﺟﺐ ﺗﻢ ﺑﮍﮮ ﮨﻮ ﺟﺎﺅ ﮔﮯ . ﭘﯿﺴﮯ ﮐﻤﺎﺅ ﮔﮯ، ﺗﻮ ﻣﺠﮭﮯ ﯾﮧ ﮔﮍﯾﺎ ﺩﻻ ﺩﻭ ﮔﮯ ﻧﺎﮞ !”
ﻣﺠﮭﮯ ﺍﺳ ﮑﯽ ﻣﻌﺼﻮﻡ ﺯﺑﺎﻥ ﺳﮯ ‘ﭼﮭﻮﭨﯽ ﺑﮩﻦ ‘ ﻧﺠﺎﻧﮯ ﮐﯿﻮﮞ ﺑﮩﺖ ﺍﭼﮭﺎ ﻟﮕﺎ۔ ﺍﺱ ﮐﮯ ﻟﮩﺠﮯ ﻣﯿﮟ ﺍﭘﻨﯽ ﺑﮩﻦ ﮐﮯ ﻟﺌﮯ ﻣﺤﺒﺖ ﺗﮭﯽ ﮐﮧ ﺍﻣﮉﯼ ﭼﻠﯽ ﺁ ﺭﮨﯽ ﺗﮭﯽ ۔
” ﺍﭼﮭﺎ ﺗﻮ ﯾﮧ ﺑﺎﺕ ﮨﮯ . ﺗﻢ ﺍﭘﻨﯽ ﭼﮭﻮﭨﯽ ﺑﮩﻦ ﮐﮯ ﻟﺌﮯ ﻭﮦ ﮔﻼﺑﯽ ﮔﮍﯾﺎ ﺧﺮﯾﺪﻧﮯ ﺁﺋﮯ ﮨﻮ . ﻣﮕﺮ ﭘﭽﺎﺱ ﺭﻭﭘﮯ ﺗﻮ ﺍﺏ ﺑﮭﯽ ﮐﻢ ﮨﯿﮟ ﺗﻤﮩﺎﺭﮮ ﭘﺎﺱ . ﯾﮧ ﺳﻮ ﺭﻭﭘﮯ ﺗﻢ ﻧﮯ ﺧﻮﺩ ﺟﻤﻊ ﮐﺌﮯ ﮨﯿﮟ؟”
” ﻧﮩﯿﮟ، ﻣﯿﺮﮮ ﭘﺎﺱ ﺑﮭﻼ ﭘﯿﺴﮯ ﮐﮩﺎﮞ ﺳﮯ ﺁئیں گے . ﻭﺭﮐﺸﺎﭖ ﻭﺍﻻ ﺍﺳﺘﺎﺩ ﻣﯿﺮﯼ ﭘﻮﺭﯼ ﺩﯾﮩﺎﮌﯼ ﺍﺑﺎ ﮐﮯ ﺣﻮﺍﻟﮯ ﮐﺮ ﺩﯾﺘﺎ ﮨﮯ۔ ﻣﯿﺮﮮ ﮨﺎﺗھ ﻣﯿﮟ ﭘﯿﺴﮯ ﺗﮭﻮﮌﺍ ﮨﯽ ﺩﯾﺘﺎ ﮨﮯ۔”
ﺑﭽﮧ ﺍﺏ ﻣﺠھ ﺳﮯ ﮐﮭﻞ ﮐﺮ ﮔﻔﺘﮕﻮ ﮐﺮ ﺭﮨﺎ ﺗﮭﺎ۔ ﺍﯾﮏ ﺳﯿﮑﻨﮉ ﮐﻮ ﺭﮎ ﮐﺮ ﺍﺱ ﻧﮯ ﺁﺳﺘﯿﻦ ﺳﮯ ﻧﺎﮎ ﺻﺎﻑ ﮐﯽ ﺍﻭﺭ ﮔﻮﯾﺎ ﮨﻮﺍ ۔
” ﺍﺻﻞ ﻣﯿﮟ ﺁﺝ ﺑﮍﮮ ﺻﺎﺣﺐ ﺍﭘﻨﯽ ﮔﺎﮌﯼ ﻟﯿﻨﮯ ﻭﺭﮐﺸﺎﭖ ﭘﺮ ﺁﺋﮯ ﺗﮭﮯ . ﺍﻥ ﮐﯽ ﮔﺎﮌﯼ ﭘﺮ ﭘﺎﻟﺶ ﻣﯿﮟ ﮨﯽ ﮐﺮﺗﺎ ﮨﻮﮞ ، ﮔﺎﮌﯼ ﺩﯾﮑھ ﮐﺮ ﺍﻧﮩﻮﮞ ﻧﮯ ﻣﺠﮭﮯ ﺑﻼﯾﺎ ﺍﻭﺭ ﮐﮩﻨﮯ ﻟﮕﮯ؛
” ﺳﻨﯽ ﺁﺝ ﺗﻮ ﻧﮯ ﺩﻝ ﺧﻮﺵ ﮐﺮ ﺩﯾﺎ ﺑﭽﮯ ، ﺍﯾﺴﯽ ﭼﻤﮑﺎﺋﯽ ﮨﮯ ﻣﯿﺮﯼ ﭘﺮﺍﮈﻭ ﮐﮧ ﺷﮑﻞ ﺗﮏ ﺩﮐﮭﺎﺋﯽ ﺩﮮ ﺭﮨﯽ ﮨﮯ، ﺑﮭﺌﯽ ﻭﺍﮦ ، ﯾﮧ ﻟﮯ ﺳﻮ ﺭﻭﭘﮯ ﺗﯿﺮﺍ ﺍﻧﻌﺎﻡ ، ﺍﻭﺭ ﺳُﻦ ﺍﺳﺘﺎﺩ ﮐﻮ ﻧﮩﯿﮟ ﺑﺘﺎﻧﺎ، ﻭﺭﻧﮧ ﺗﯿﺮﯼ ﺩﯾﮩﺎﮌﯼ ﮐﮯ ﺳﺎﺗھ ﯾﮧ ﺑﺨﺸﺶ ﺑﮭﯽ ﺗﯿﺮﮮ ﻧﺸﺌﯽ ﺑﺎﭖ ﮐﮯ ﺣﻮﺍﻟﮯ ﮐﺮ ﺩﮮ ﮔﺎ ۔ ﺁﺝ ﺻﺎﺣﺐ ﮐﺎ ﻣﻮﮈ ﺷﺎﯾﺪ ﺑﮩﺖ ﺍﭼﮭﺎ ﺗﮭﺎ ﺍﻭﺭ ﻣﯿﮟ ﻧﮯ ﺑﮭﯽ ﭼﭗ ﭼﺎﭖ ﻧﻮﭦ ﺟﯿﺐ ﻣﯿﮟ ﮈﺍﻝ ﻟﯿﺎ۔”
ﻣﺠﮭﮯ ﺍﺱ ﮐﮯ ﮐﭙﮍﮮ ﺩیکھ ﮐﺮ ﺍﻧﺪﺍﺯﮦ ﺗﻮ ﮨﻮ ﮔﯿﺎ ﺗﮭﺎ، ﭘﺮ ﺍﺱ ﮐﯽ ﺯﺑﺎﻧﯽ ﺳﻦ ﮐﺮ ﺩﮐھ ﮨﻮﺍ ﮐﮧ ﺍﺗﻨﺎ ﭼﮭﻮﭨﺎ ﺳﺎ ﺑﭽﮧ ﺍﺳﮑﻮﻝ ﺟﺎﻧﮯ ﮐﮯ ﺑﺠﺎﺋﮯ ﻭﺭﮐﺸﺎﭖ ﭘﺮ ﮐﺎﻡ ﮐﺮﺗﺎ ﮨﮯ۔
” ﭘﺮ ﺍﺑﮭﯽ ﭘﭽﮭﻠﮯ ﮨﻔﺘﮯ ﮨﯽ ﺍﺱ ﮔﮍﯾﺎ ﮐﮯ ﺩﺍﻡ ﭘﻮﭼھ ﮐﺮ ﮔﯿﺎ ﺗﮭﺎ ، ﺩﮐﺎﻥ ﻭﺍﻟﮯ ﺍﻧﮑﻞ ﻧﮯ ﺳﻮ ﺭﻭﭘﮯ ﺑﺘﺎﺋﮯ ﺗﮭﮯ . ﺁﺝ ﮐﮩﺘﮯ ﮨﯿﮟ ﮈﯾﮍﮪ ﺳﻮ ﺭﻭﭘﮯ ﻧﮑﺎﻟﻮ . ﺁﭖ ﻧﮯ ﺑﮭﯽ ﺳﻨﺎ ﺗﮭﺎ ﻧﺎ ﺳﺮ ﺟﯽ . ﮈﯾﮍﮪ ﺳﻮ ﮨﯽ ﺑﻮﻻ ﺗﮭﺎ ﺍﻧﮑﻞ ﻧﮯ ۔”
ﺷﺎﯾﺪ ﺍﺱ ﻧﮯ ﻣﺠھ ﺳﮯ ﺳﻮﺍﻝ ﮐﯿﺎ ﺗﮭﺎ،
” ﮨﺎﮞ ﺑﯿﭩﺎ ! ﺍﺱ ﮔﮍﯾﺎ ﮐﮯ ﺩﺍﻡ ﺍﻧﮑﻞ ﻧﮯ ﮈﯾﮍﮪ ﺳﻮ ﮨﯽ ﺑﺘﺎﺋﮯ ﺗﮭﮯ۔” ﻣﯿﮟ ﻧﮯ ﺍﺱ ﮐﯽ ﺑﺎﺕ ﮐﯽ ﺗﺼﺪﯾﻖ ﮐﺮ ﺩﯼ۔
” ﺍﻭﮨﻮ!!!!
ﺍﺏ ﻣﯿﺮﯼ ﺳﻤﺠھ ﻣﯿﮟ ﺁﯾﺎ ۔ ﺗﻮ ﺗﻢ ﭘﭽﺎﺱ ﺭﻭﭘﮯ ﮐﮯ ﻟﺌﮯ ﺭﻭ ﺭﮨﮯ ﮨﻮ . ﭼﻠﻮ ﺁﻧﺴﻮ ﭘﻮنچھ ﻟﻮ ﺍﻭﺭ ﯾﮧ ﻟﻮ ﭘﭽﺎﺱ ﺭﻭﭘﮯ۔” ﻣﯿﮟ ﻧﮯ ﺟﯿﺐ ﻣﯿﮟ ﮨﺎﺗھ ﮈﺍﻻ ﺍﻭﺭ ﭘﭽﺎﺱ ﮐﺎ ﻧﻮﭦ ﺍﺳﮑﮯ ﮨﺎﺗھ ﻣﯿﮟ ﺗﮭﻤﺎ ﺩﯾﺎ ﺍﻭﺭ ﺍﭘﻨﯽ ﺩﺍﻧﺴﺖ ﻣﯿﮟ ﺣﺎﺗﻢ ﻃﺎﺋﯽ ﮐﯽ ﻗﺒﺮ ﭘﺮ ﻻﺕ ﺩﮮ ﻣﺎﺭﯼ ۔
“ﺍﭼﮭﺎ ﯾﮧ ﺗﻮ ﺑﺘﺎﺅ، ﺗﻤﮩﺎﺭﯼ ﭼﮭﻮﭨﯽ ﺑﮩﻦ ﮐﮩﺎﮞ ﮨﮯ ؟ ﻭﮦ ﮐﯿﻮﮞ ﻧﮩﯿﮟ ﺁﺋﯽ ﺍﭘﻨﯽ ﮔﮍﯾﺎ ﻟﯿﻨﮯ؟” ﻣﯿﮟ ﻧﮯ ﺗﺠﺴﺲ ﮐﮯ ﻣﺎﺭﮮ ﻓﻮﺭﺍً ﮨﯽ ﺍﮔﻼ ﺳﻮﺍﻝ ﺩﺍﻍ ﺩﯾﺎ ۔
” ﻭﮦ ﮐﯿﺴﮯ ﺁ ﺳﮑﺘﯽ ﮨﮯ ۔ ﻭﮦ ﺗﻮ ﺍﻟﻠﮧ ﻣﯿﺎﮞ ﮐﮯ ﭘﺎﺱ ﺭﮨﻨﮯ ﭼﻠﯽ ﮔﺌﯽ ﮨﮯ .. !!!!!
ﺍﻭﺭ ﺍﻣﺎﮞ ﮐﮩﺘﯽ ﮨﮯ ﺟﻮ ﺍﻟﻠﮧ ﻣﯿﺎﮞ ﮐﮯ ﭘﺎﺱ ﭼﻼ ﺟﺎﺗﺎ ﮨﮯ ﻭﮦ ﮐﺒﮭﯽ ﻭﺍﭘﺲ ﻧﮩﯿﮟ ﺁﺗﺎ ۔ ﺍﻟﻠﮧ ﻣﯿﺎﮞ ﺍﺗﻨﺎ ﭘﯿﺎﺭ ﺟﻮ ﮐﺮﺗﮯ ﮨﯿﮟ . ﺧﯿﺎﻝ ﺭﮐﮭﺘﮯ ﮨﯿﮟ . ﺷﺎﺋﺪ ﺍﺳﯽ ﻟﺌﮯ۔”
ﮐﯿﺎ ۔!!!!
ﻣﯿﺮﯼ ﻣﺴﮑﺮﺍﮨﭧ ﻏﺎﺋﺐ ﮨﻮ ﭼﮑﯽ ﺗﮭﯽ ۔ ﻣﺠﮭﮯ ﺍﯾﺴﺎ ﻟﮕﺎ ﺟﯿﺴﮯ ﺍﺱ ﺑﭽﮯ ﻧﮯ ﺑﮭﺮﮮ ﺑﺎﺯﺍﺭ ﻣﯿﮟ ﻣﺠﮭﮯ ﻃﻤﺎﻧﭽﮧ ﺭﺳﯿﺪ ﮐﺮ ﺩﯾﺎ ﮨﻮ
