چنگا ویلا موڑ دے سائیں
تینوں کادی تھوڑ وے سائیں
میرے ورگے لَکھ نیں تینوں
تیرے ورگا ہور نہ سائیں
ہر پل تیرے ناں دی تسبیح
دل وچ غارِ ثور ہے سائیں
ڈونگیاں رمزاں کی جاناں میں
دل دا کَڈ دے چور وے سائیں
شِکر دوپہری اگ بلدی اے
ٹھنڈیاں چھانواں موڑ دے سائیں.
دنیا مینوں توڑدی پئی اے
ہُن تے آ کے جوڑ لے سائیں
تیرے باجھ میں کِنّوں دَسّاں
مینوں ماں دی لوڑ ہے سائیں
سجن بیلی سب ٹُر گئے نیں
کَلّاہ رہ گیا بوڑ وے سائیں
یاد تیری دا چانن مِل جائے
روشن ہو جائے گور وے سائیں
فضل کریں تے بخشیں مینوں
تَرلا ہے ۔۔۔۔۔نئیں زور اے سائیں
